Thursday, March 31, 2011

MAN COURT IS IN SESSION; ALL RISE: END OF MARCH - DEM SAY A SPRING BUT ME STILL A SEE SNOW - SUMMER DEY ROUN DI CORNER AN BAY SUMMEN - DI GAL DEM A COMPLAIN SAY DI MAN DEM A GWAN LIKE BUBBLE TEA ANO ME SAY SO OOOOOOOOOO - SEE CASE BELOW:

"Good Morning man Courters & Judge Limit. 8 years ago, my baby fadda get a buss an reach England. Me an him did live, everyting fine – nutten neva wrong, we neva cuss or nutten. Him call me couple times well but tru me know say him jus reach an him ting no str8 me neva pressure him. The phone calls stop – nutten at all. Me cyan hear from him and di number wey me have fi him nah work. Me say ok – so shall it be an me move on wid me life. When ppl ask me fi him, me tell dem say him ok but not a word me no hear from him but me know say him alright cuz him cousin wey sen fi him used to call fi check up on di kids an sen we a lickle ting from time to time. Bout 4 years ago, me dey inna me salon an see one car pull up outside an di person call meWhen me go to di car a him. Him jus push one bag tru di window say a fi di kids dem an dat him cannot stay him have to go now. Me nah go lie
Man Court
, tears full up me eye. Me cyan believe say a di man dis wey me an him did a plan life a deal wid me so. Couple more times after dat me hear say him come Jamaica wid him wife but me no see him at all eventho him start sen back 1 an 2 tings fi di kids dem but nutten fi me – it still all good. Last xmas now, me get dis call from him outta di blue an him say him a come Jamaica if him can stay over my yawd – my yawd enuh wey my daughter stay a farrin an work an buy gi me. Me say no and hang up but it no sit well wid me at all!! Me feel like me need fi ask him wha me do him so. Man Courters, unu feel like me shoulda leave it alone?"


Wednesday, March 30, 2011

MAN COURT IS IN SESSION; ALL RISE: ONE FINE DAY, YOU'RE GONNA WANT ME FOR YOUR GIRL??!! UNU MUS STOP SIDDUNG AN WAIT PON MAN ESP. PPL'S MAN - TODAY'S MSG DAT! SEE CASE BELOW:

"Man Court good morning. Me need help wid da one yah. Me an dis married man dey fi bout 3 years now. Man pay all bills, rent, hydro everyting cuz me is a girl wey no work. So, anyways, me lose 2 baby fi him since we dey etc etc. me an him have nuff history togedda. Go pon trip go Jamaica an all dese tings. Him all keep private party ova him house an me an my frens dem run up inna dat – good times! Now hear dis, him link me wha day an say him want it fi done cuz him wife find out. Me an dis man neva did a hide enuh – all of a sudden from him tell me dat, di man stop go out, me no see him nowhere – everyting lock off an is like di man gone hide. Him have dis year to year dance wey me an me frens dem always go – so as usual me did a plan fi go dis year too. Di man a come ask me if me really ago go?? Man Court, unu please tell me a wha kinda man dis?? Di man jus start act up strange so – man wey used to gwan like real toppa toppa tun real taste bad bubble tea kmt."



Tuesday, March 29, 2011

MAN COURT IS IN SESSION; ALL RISE: HEAR ME NO MAN, ONE TING WE A PREACH TODAY IN YAH AN IS GOD ABOVE DEM!!

"Judge and fellow Man Courters, good morning! Maybe unu can do a better job explaining dis situation to me cuz me no really understand it and me tiad fi try ‘figure’ it out. 2 years ago when me meet my husband, me neva know say him did involve inna some years relationship wid dis chick. So anyways, I guess di betta hol tell and him married me. Me an me man ova yah so a live we married life an di ex-girl ova dey so an live inna LUUUUUUUUUUUU!!! Pon a daily basis ppl a bb me say how dem see pics wid my man an dis girl all over fb bout how him an she dey  yah an him an har dey dey so…me an me man dey a Miami last week an me hear say she an him dey Negril an me wan know how dat. Me nah sen har no msg enuh but it need fi stop. My man say him no business wid har cuz a mad gal but mad me rass. Me smell a rat – wey unu tink Man courters?"


Friday, March 25, 2011

MAN COURT IS IN SESSION; ALL RISE: ORGANIZE AN CENTRALIZE, COME AS ONE! ANOTHER FRIDAY, ANOTHER WEEKEND. WHILE MOST PPL ARE GLAD TO BE OFF WORK, SOME PPL WILL STILL HAVE TO TROD ON TO MAKE ENDS MEET. BIG UPS TO EVERYBODY WHO IS DOING - NO CARE HOW SMALL IT IS - A FI YUH OWN AN YUH WUK FAH!! SEE CASE BELOW:

"Good day Judge Limit and fellow Man Courters. I am writing this on behalf of my mother and I need some ppl to tell me what they think so I can tell her that I am not the only one who feels the way I do. My mother is 62 years old. She looks VERY good for her age. She lives with her common-law husband for more than 25 years, no marriage, and no kids together. They have house car etc together. She has 4 children from a previous relationship, all of which are all grown now and he has 8 or 10 kids when she met him. About last year, she found out that he has 5 additional children all young baby – since dem live together. All me a encourage har to leave him because this situation is pure disrespect and she is a big woman, she nah listen an she is still there. She comes to visit us overseas and she no stop kill up herself fi go back down to him. She call him from here an him say she can’t talk now and dis was her response and I quote “me know say him mus miss me, him nah say it but him mus me, me soon haffi go down’ me nearly pis up miself. Me buy house fi she live inna a Jamaica and she not staying there. I don’t know what else to do. She don’t want to stay here either. All she want to do is hitch up pon dis man yah wey no mean har no good. Can the Man Courters please advised?"




Thursday, March 24, 2011

MAN COURT IS IN SESSION; ALL RISE: SO OFTEN WE TAKE DI LICKLE TINGS FOR GRANTED LIKE WAKING UP AN WALKING AROUND - IN EVERYTING WE NEED TO PUT GOD FIRST - GOD ABOVE DEM!!! SEE CASE BELOW:

Please read carefully me a beg unu. Me ago put it inna point form cuz it kinda complicated and confusing.
1)      I have been with this man since 2007. He pays all the bills; rent, etc. He is really good to me and everything. When me say he’s good to me me mean he’s real good to me. Him all pay a man fi married me an gimme me stay cuz he couldn’t do BECAUSEEEEEEEEEE him live wid him woman Hello Judge and fellow Man Courters. Me having some issues right now and me need some solid advice. an kids. HERE IS THE TWIST....
2)      The man my man pay fi married me fall in love wid me now. This guy is now my husband tho. He is very good looking and everything and him no stop tell me how him love him an need me and that anyting my man a do fi me him can do it too. Him no have no girl jus one son.
My man find out bout my husband feelings fi me an start gwan real bad. Right now me jus no know wha fi do cuz me love my man but me have feelings fi me husband an di bwoy look good wid bow legs an cute up an bare tings. My husband say him ago start go pon date an live him life an me feel away me nah lie. Lawd, me know some a unu ago dun me but me jus want some next ppl point of view.

Tuesday, March 22, 2011

MAN COURT COMMERICIAL: JOIN THE GAS FIGHT!!! SEE DETAILS...

The only way we are going to see the price of gas come down is if we hit someone in the pocketbook by not purchasing their gas! And, we can do that WITHOUT hurting ourselves.
How? Since we all rely on our cars, we can't just stop buying gas.
But we CAN have an impact on gas prices if we all act together to force a price war.
Here's the idea: For the rest of this year, DON'T purchase ANY gasoline from the two biggest companies (which now are one), EXXON and MOBIL. ( USA )

And for Canadians don't purchase ANY gas from Petro Canada ,
Esso or Husky..if they are not selling any gas, they will be inclined to reduce their prices. If they reduce their prices, the other companies will have to follow suit.

But to have an impact, we need to reach literally millions!!


MAN COURT IN SESSION; ALL RISE: TODAY ME WAN ADDRESS DI PPL DEM WHO WORRY BOUT NEX PPL...WHAT IS DI PROBLEM?? A WHO FAH FAULT YUH NAH TRY OFFA YOURS? JUS WHAT EXACTLY IS THE PROBLEM? ME A BEG DI RED EYE, BADMINDED PPL FI LOW DI PPL DEM WEY A GO BOUT DEM BUSINESS!! LOW DI PPL DEM MEK DEM TRY - SEE CASE BELOW:

"Hello Judge Limit and Man Courters. From wha day yah a pure war wid me an my babymadda cuz man no like kiss. Man a big man an man grow different star. Me a try show har say man no love inna di kiss up ting an like she nah ansay. She all stop fuck me star tru me say me no wan no kiss hiya. She a cuss say she no suck hood but me a mek she know say, how di time set nowadays, man no wan too be no lick it back yuh see it – man wrong or man right star?"




Monday, March 21, 2011

MAN COURT IS IN SESSION; ALL RISE: WHO MEMBA DI STORY BOUT DI GREEDY DAWG AN DI BONE?? UNU MUS LEARN FI RASS SATISFY!! SEX IS NOT EVERYTING!! SOME A UNU MEK MAN AN SEX GRADUATE UNU KMT..SEE CASE BELOW:

"Good Morning Judge Limit and fellow Man Courters. Me need unu help. I am 29 years old and married. About 3 years ago before I got married to my husband but while we were living together, I met a young man online, at the time he was 21 and I was 26. We had an affair and it lasted bout 10 months or so. Me say di lickle bwoy have one a di biggest hood me eva see inna me life!!! I have enclosed a pic of him hood fi unu see wha me really a talk bout. Best time of me life sex wise when me an him was together. Him neva beg me anyting yet and him treat me nice. Now, few weeks ago, me an him get back in touch and me strt get back some feelings fi him BUT now me married an me is a good wife, nah cheat an nah step outside me marriage. Me no know wha fi di – cuz me well tempted!!"


MAN COURT IS IN SESSION; ALL RISE: I TRUST EVERYONE HAD A GREAT WEEKEND...ME HAVE A UPDATE FROM DI LADY WEY HAR HUSBAND SPIT PON. MAN COURTERS UNU GONE A LEAD!! DEM BEX CUZ DI PPL DEM A READ WE AN NOT EVEN A GOOGLE DEM - ABAYYYYYYYY...SEE CASE BELOW:

'Hello, Judge Limit. I would like to thank the ppl from
Man Court
for all their advice. Yes, a a di lady wey har husband spit pon. Me say, after me dun read the Man Courters comments, bout 2 days lata, me mek up me mind an say me ago spit back pon him, anyting a anyting. Me saddle up meself, push a knife inna me waist an say to me self jus like di Judge say ‘fuck, fight or funeral’ me a somebody pickney too!! Me walk right ova to him an spit back on him straight inna him face!! Him don’t do a ting but sit dere an wipe it off. Me jus march upstairs and strt pack him up. Me dun decide an mek up my mind say me cannot live in dis kinda disrespect. Him haffi gwan – all if we get back togedda not right now. But me wan say thanks to everybody fi dem comments – unu gimme di courage!!'


Friday, March 18, 2011

MAN COURT IS IN SESSION; ALL RISE: TGIF??? SOME A UNU WEY A BAWL OUT TGIF NOT EVEN NOTICE SAY A FRIDAY CUZ UNU CYAAN TELL DI DAYS DEM DIFFERENT - NON PROGRESSIVE ELEMENTS - GO LOOK SUMMEN DO!! FOR THE WAGES OF SIN IS DEATH; SEE CASE BELOW:

"Good Day Judge Limit. Good day Man Courters. My husband and I are very prominent members in the (edited) church. We attend every Sunday, we volunteer and I must say that we do give pretty decent offerings too. Recently, the church appointed this very young deacon, I say young because he’s younger than my husband, and he’s about 35. Me and him are very chatty and flirtatious. One Sunday while at church, we were in the Pastor’s office for a meeting with the Pastor. After the meeting, me an him stayed behind an a talk and it just happen so. Out of the blue, a me dat pon top a him inna di coach, some positions wey me an my husband neva do fi years now. Me shame, shame, shame so till!! From it happen, I never set foot back inna di church, me sick every Sunday now and every church gatherings me have something else to do. I need some advise on how to proceed from here. Thanks. P.S. I am not older than him either so I am not no cougar. Thanks again."


Thursday, March 17, 2011

MAN COURT IS IN SESSION; ALL RISE: PRAY FI DI PPL DEM INNA JAPAN...PRAY FI DI VICTIMS DEM ALL OVER THE WORLD...KEEP UNU BIBLE NEAR AND GOD INNA UNU HEART - UNU MUST NOT FEAR - DI WORD OF GOD SAY SO NOT ME...SEE CASE BELOW:

"Morning Judge Limit, I read
Man Court
pon a regular – congrats on the job you are doing. Last year after I moved in with my boyfriend, he begged me to quit my job cuz he was making more than I was. I reluctantly quit – BIG MISTAKE!!  All of a sudden, I can’t go anywhere!! He keeps saying he doesn’t have money to support my party life and that I need to be a homemaker. He took away my independence – right now I have a cell phone that HE gave me and I cannot make any calls on it – only to him ofcourse – when him did first gi me me use it up an him tek it way from me like some pickney an say me nah act responsible. Di man a run everyting! He monitors my every move. I can’t drive his car and I can’t take just any taxi, when I want to go somewhere like the Dr and he can’t drive me – HE has to call the taxi – not me. Me cyan tek dis no more. 3 months worth a dis me a bear – so wha day me sneak out to a internet café, walk me walk too an fix up me resume and email dem out. Me scared tho say if me get a job me no know how fi tell him. Quite honestly Your Honor, me jus wan get back me own place an leave him alone yah man, me cyan tek dem levity yah"


Wednesday, March 16, 2011

MAN COURT IS IN SESSION; ALL RISE: TODAY'S LESSON IS TAKEN FROM MARY J. BLIGE'S SONG FROM THE MOVIE WAITING TO EXHALE SNDTRK "NO, I'M NOT GONNA CRY, I'M NOT GONNA SHED A TEAR"

"Hello Judge Limit, I am so embarrassed to be sending this in but I have looked deep within and have weighed my options and I think it’s time for me to go now. My husband and I will be celebrating our 2nd anniversary this year but have been together for almost 4 years now. We have been through it, I must say but we’ve managed to still stay together and made a life for ourselves and the kids – a pretty decent one too. I know every couple must have their ups and downs but this incident feels like the last straw and I am at the point no where – I just want to move on and start fresh. We had huge argument couple days ago, he said some hateful things, I said some pretty hateful things as well – some of which I am not proud of. During this particular argument, the man SPIT pon me!! I had our little son in my hands too when he did it. Words cannot explain the hurt, disgust and embarrassment I felt and still feeling. I just walk out of the house. Since then, I have moved into our guestroom and I haven’t said a word to him. I feel like this is the lowest form of disrespect a betta if him did kick me dung! I want out of this relationship NOW!!!"


Tuesday, March 15, 2011

MAN COURT IS IN SESSION; ALL RISE: THIS IS THE DAY THAT THE LORD HAS MADE; RELATIONSHIPS CAN BE SO COMPLEX AN CONFUSING AT TIMES, THAT NO ONE CAN REALLY KNOW EVERYTHING ABOUT IT, ONLY ASPECTS AND FROM EXPERIENCE. EVERYDAY SOME 'NEW' BRANCH SPRING UP AN DATS WHY WE CAN ONLY DEAL WID IT ON A CASE BY CASE BASIS...SEE CASE BELOW:

"Good Morning Man Courters and Madame Judge Limit. I have a question I would like the court to answer please if you can. Is there such a thing of having “MENTAL AFFAIRS”? I am asking because, I recently found out that my wife has been talking to different men on social networking sites, text, bbm…wherever chatting can take place, she’s doing it. I don’t think she’s ever seen any of these men and she must like the attention she is getting from them. She says she won’t stop because she is not cheating. What do you all think? No harm done or can be done?"


Monday, March 14, 2011

MAN COURT IS IN SESSION; ALL RISE: MY APOLOGIES FOR THE LATE START...THERE COMES A TIME IN LIFE U SEE, WHEN A ONE JUS HAVE TO PICK UP ALL INNA DI MIDDLE IF NEED BE AN MOVE ON!!! NO BADDA WATCH NO FACE - JUS GWAN!! WOMAN MUST STOP BE MAN FLOOR MAT..SOME AUNU NAH TEK TELLIN EDDA ENUH..CHO..SEE CASE BELOW:

"Good Morning your honour and Man Courters. This is a very serious case and I need some real serious advice.
My husband and I have been living in a rental house for about 4 years or so now. I have been the only one working and paying the bills. Anyways, I have been trying to save towards buying our own place because our family is out growing where we presently living at. Recently, my husband came into some money that his father died and left him with. I am not sure of the amount but him start looking for house to buy for $5M-7M an say him want to buy it cash. Lawd Judge, me get so excited me start look online an line up real estate ppl out yah...only fi hear him a tell one a di seller pon di phone say his not him wife a buy noting is him cuz him have di money, him jus ask me fi look. So me ask him whyhim haffi a tell di man dat an him start cuss an say him nah buy no house wid no woman a him an him madda ago buy di place togedda so me must stop watch him money. Now Judge, unu please tell me?? Me have a money put down as well maybe like $3M an me join di NHTbut to how me feel right now, me jus wan go ahead an look bout a lickle place fi me an di kids dem myself cuz it obvious me an dis man do not have the same plan. Any advice the readers can give is well appreciated. Thank you."

Friday, March 11, 2011

MAN COURT IS IN SESSION; ALL RISE: FRIDAY WE SAY ENUH...WORK WEEK DONE ENUH...WEEKEND DEY YAH ENUH!! BIG UP DI PEOPLE DEM WEY A GO BOUT DEM BUSINESS!!

"Your honor, a bay violation ting!! My girl stay so an a hol a bade an har phone ring pon di bed. Me stay so an jus preps it…fo yuh hear di b ringtone…she a rinse fuck me nuh!! sing an one big black hood come up as di pic. Yooooooooo, di hood look all bigga dan mine. Di name say ‘MINES’…me stay so an hol di phone an start pree di pics dem inna it…a crazy hood, naked pics wid she..mad summen…all dem naked pic dey wid har me neva yet see…me stay so an rrrr check har text an inbox an outbox empty..you yuh Honor..me wan show har di ting but me not even know how fi approach di b star – man feel like me woulda bruk up di phone rasta."


Thursday, March 10, 2011

MAN COURT IS IN SESSION; ALL RISE: OH DEM A WONDER, HOW WE DO DIS NO TRU HATE AN ANGER, NO SPREAD NO POPOGANDA CUZ YUH CYAAN STOP DIS! SEE CASE BELOW:

"Wha Judge, me like di new ting. Yo me say, a jus pure problems my woman a gi me enuh. Braps, me get text from my girl ‘can I see you tonite?’ memba enuh, me an dis B live togedda – so me text har back jus tru me feel say a really me she sen it fah me say babes, you see me everynite wey u a talk bout? No ansa! So text har back an say yo, a u me a talk to enuh B – sh etext back ‘sorry, wrong person’ How she mean wrong person?? So me call har an hear wha she ago say, a one a fi har fren dem a work, did a try text one man an it get sen to me by accident. Me tell har mek me talk to di fren – all now di fren cyan come pon di phone. Yo man a man enuh, big woman ting, like she want me fi hurt har badly!!!"


Wednesday, March 9, 2011

MAN COURT IS IN SESSION; ALL RISE: PEOPLE!! PEOPLE!! YUH HAVE SOME MAN OUT DEY WEY LOVE BAD UP DEMSELF AN WHEN DEM WOMAN ARRIVE DEM HAFFI QWAT!! YOU A LICKLE BWOY NO MATTA HOW OLD YUH BE, YUH FI BEHAVE! LIKE ME FOREVER WILL SAY, ME NO CONDONE BUNNING BUT IF YUH FED UP WID YUH BWOY FREN - LET HIM GO!!! SEE CASE BELOW:

"judge da one yah a fi mi.... tell mi wah fi do judge, last year one a mi little friend weh like mi long tyme see mi pon fb so mi n him satrt chat up to wi one another, when mi say chat up mi mean him a look mi n mi a encourage him caz u know me no easy aready when mi say d youth a tell mi up d tings all of a sudden muma d boy ago ask mi y mi a send we message to on girl, mi love mi tell d boy mi no know weh im a talk bout which was true. one day me go pan my page see dis gal now create one profile fi tell mi fi low her 25 year old man caz mi a old woman n mi name biggs, a style up her likle pussyclath u see she n her man judge mi nah lie at first mi did a b nice caz ifs not like mi want d youth mi just rude n if mi see my man n woman a chat certain things mi ago vex n jealous so mi a mek her know say no watch no face him a mi friend n d text dem no too mean ntn but it get outta hand so mi do dem up n delete d him n d gal..... lol dwl is about 3mths dat happen mi like d fuckery still now listen mi every day mi go a mi msg d boy a beg mi fi add him back mi want lol afta him but mi kinda sorry fi him judge tell mi weh fi do.....please.. mi nah read dis ova so see if u figa out weh mi a say"

Tuesday, March 8, 2011

CHO MAN - PATIENCE!!

HELLO ALL,

I KNOW WE HAVING ISSUES LOGGING ON AND COMMENTING ~SIGH~ CAN I ENCOURAGE EVERYONE TO KEEP TRYING..EVEN IF IT'S ANONYMOUS AT LEAST I KNOW YOU GUYS IN TUNE.

PLEASE DON'T GIVE UP, MAN COURT IS NOTHING WITHOUT THE COMMENTS, AFTERALL...I CANNOT JUS A TALK TO MESELF SO CHO - WELL I CAN BUT YOU KNOW WHAT I MEAN LOL..I MISS MY REGULAR COURT BUT WE MOVE FORWARD NOW AN WE AGO GWAN WORK WID IT!!

TEAM!TEAM!TEAM!

MAN COURT IN SESSION; ALL RISE: MORNING MAN COURTERS!! AS USUAL, DIS RACE CALL LIFE IS NOT FI DI SWIFFEST BUT WHO CAN ENDURE IT! NUFF PPL SPEND DEN TIME PRETENDING AN FIGET FI LIVE DEM LIFE - BIG UP DI PPL DEM WHO A LIVE DEM LIFE AN A UPDATE DEM STATUS! SEE CASE BELOW:

"my friend got married at 22, i met her at uni (she is 31 now). har husband was giving her hell and all at the same time i was pre occupied and really couldnt give her any advice.anyhow one day she came to me in a mess saying tht the bastard had moved out with the household things only leaving the bed ,a stove and a tv. mind u they are christian and this nasty boy cheated with a church sister and even prostitutes .all them bag a things he confessed to her ,mi hit the roof and ask her why she didnt ring me or changed the lock when he first left without the things.anyway being friend i encouraged her to get check out blah blah and after a yr the girl got back her confidence and thing.i started telling her to feel out what is out there,b responsible and b a woman.in other words dnt jus go have sex with any body or fall in love easily jus to pray on stuff as she might still be vunerable.christians or not we all need company and u r suppose to know better. Lord jesus yesterday she ring me an say she meet a doctor who is from abroad altho he doesnt sound like it,him like her body etc,took her number and they going out tomorrow.i started quizzing her asking about this new man and was shocked she didnt even know if the man was spoken for or married not even where di man works, since him a doctor den.come to find out today at 10;50pm girl phone me saying she in a bit of bother so i panic and ask her wat was the problem she said the man want to marry her and wants her to sleep over. him mother knows about her and all sort of shit. now look here 2 frigging days ,when jesus took 7days to build the earth, no way i am not buying tht crap.she couldnt really talk according to her as she was at his apartment.so she hung up and i sure send her a text telling her to find her yard.the thing is she believe him enuh .i cant believe this senario and worst it is a nigerian and we know they r con artists.weh u think was i wrong fi any part of this as i was just being a fren,mi really nah judge a person by where they come from but we all know wat is going on.this have all the ingredients of going bad and i dnt want to b blamed. mi really cant believe this trust me.and b4 unoo say mi jealous nuh badda with it."

Monday, March 7, 2011

MAN COURT IS IN SESSION; ALL RISE: HAPPY MONDAY TO EVERYONE!! MAN COURTERS, A SERIOUS TIME WE LIVING IN; UNU FI STOP GWAN FOO FOOL ENUH...BEWARE OF DI PHARISEES AND SUDACEES - DEM BILLIAS!! TRUST INNA DI FADDA, DO UNU OWN TING...SEE CASE BELOW:

"Man Court wha gwan??!!! So me need the Court’s help in dis one. I am not sure what to think and it’s kinda complicated. I recently reunited with my ex on FB and noticed that one of our mutual friend, is a really good friend of mine. So Anyways, I asked her how she knew him and she said they were neighbors. Ofcourse, I told her that he and I used to be lovers. Lately, she’s been asking if I still talk to him and I would say yes and tell her of my plans to go see him this summer. What really raised my eyebrows was when she asked if I was still gonna go see him and when I said yes, she lightly said ‘XXX no want nobody’….naturally, everything kicks in and so I asked him what was really the relationship between them both – ding ding ding…him used to fuck her too!! I dno’t know what to feel now – but what unu tink is going on here?"

Friday, March 4, 2011

GREETINGS AN SALUTATIONS!!!

MAN COURTERS - UNU TAP GWAN LIKE UNU A DUNCE!! JUS HAVE A LICKLE PATIENCE UNU DUN KNOW WHEN EVERYBODY RUN IN SO DI SYSTEM AGO GI A LICKLE PROBLEM - GWAN BARE WID WE...I SUGGEST UNU ALL TAKE UNU LICKLE TIME AN SIGN ON - AT LEAST UNU HAVE UNTIL MONDAY MORNING FI GET IT RIGHT!!

YES MAN COURTERS - ME LOVE DI LOVE ROUN ERE WE AGO SHELL DUNG DI BLOGSPOT!!!

MAN COURT IN SESSION; ALL RISE: ME JUS GET DA CASE YAH AN ME WAN SEN IT ON..PPL WHO SEN DEM CASE AREADY AN NO SEE IT INNA DI COURT, ME NO READY FI UR STORY YET OR IT JUS LONG ANO HOT - LET'S PROCEED:

"Limit bless up pon ur new man court blog! I had to sign in this story to seal di deal oh. Last nite me an me man a gwan wid a lickle ting an him a say fi set like how me set di nite before – now, here wha me a say, me an him neva do nutten at all di nite before so me interrupt di sex an ask him wey him dey pon an him say me know wha him mean – but unu tell me what exactly unu tink him mean cuz me ano fool."

MAN COURT IS IN SESSION; ALL RISE - NEW TING!! TODAY A FRIDAY AN AS USUAL, MEK WE GET BUSY IN YAH! WELCOME TO ALL DI REGULARS & PEEPERS..GOD ABOVE DEM!

"Hello Judge Limit. When it rains it sure as hell pours! My man confessed to me that he’s been sleeping with my best friend for sometime now. I confronted her about it and she denies it saying he is lying an nutten close like dat never happened. See, di ting is…I love this girl to death, we’ve been through so much together and for so longer and I really an truly don’t believe she would do something like dis BUT on the other hand, I love my man dearly and I trust him and I don’t know why he would lie about something like this. I honestly don’t know what to do "

Thursday, March 3, 2011

PREVIOUS CASE - READ ON!

 ‎"Judge Limit talk di truth my girl. Don’t be bias. If u have a man an u an him neva live an him move in wid another woman, a still your man dat?? Talk di truth fi me dey!!"

PREVIOUS CASE ME SAY - MAD ENUH!!


‎"so judge tell me now i have my man bb and this girl whey a look him from when or whey him did use to fuck ... me now really know the truth but anyway him say a him fren. bb him fater me have me baby say his baby is so cute she want one fo...r him too then now she bb him long after now and say she sick cause she no spend no time with him... judge tell me whey u think me must tell all this gal now cause me a wonder if me a waste me time fi go page har now cause if she a fuck him she naw do a good job if she sick cause him naw spend time with har tell me u al what unuh think me must say to the two of them"

PREVIOUS MAN COURT CASE - PROCEED


‎"Judge Limit, big up yuhself!! Issues, Issues...me have dis fren (well me did tink a me fren)...one nite dis yute wey she a hide an fuck, call har bout 3 o’clock one mawning say him a come from dance an she come knock me up an BORROW me c...hicken fi cook fi gi him when him come...BUT dat is not di issue now, last weekend, she wan borrow me lingerie so me gi har an tell har she can keep it. Sunday mawning me a come from dance an knock har up, she come ansa door inna my lingerie so me ask fi use har bathroom, tru me wan fass a which man she have in dey..on di way to di bathroom, me hide an push har bedroom door an ho an below – a my babyfadda me see cock up inna di gal bed..di way how me frighten, me ready same time...me an him no live still but we still dey an me nah ansa fi har or fi him calls dem – HOW UNU TINK ME MUS APPROACH DIS? ME HAVE 4 KIDS FI LIVE FAH"

PREVIOUS MAN COURT CASES - PROCEED


‎"Judge Limit, hi. Big up to all di man courters – unu ting sell off. Tell me if me unfair; my 16 year old son dey wid dis big gray tone gal she about 28 or 29 me no know cuz me no chat to it. Me against it from day one. My son is too good ...fi har – yep, I said it. Gal have bout 3 pickney an my good good son wey inna high school an have so much going for him gone tek up dis lickle idiot gal – but when me tink dat was my biggest problem... turns out, dat is just di least of my worries. Now me son come home an say she say she pregnant an is fi him. You wan see how me lickle bwoy stress out!!! All now me no see har an all me a call har she nah ansa. Me haffi get to di bottom of dis enuh worst like how my son say him always jimmy up when him an har a do anyting...me jus feel say she wan come mash up me son future – dutty nassy gal!"

PREVIOUS MAN COURT CASES - FOR YOUR READING PLEASURES

 ‎"Good Morning Judge Limit…when do I let go? I am married with 3 kids but am being tempted. See my old boyfriend whom I have unfinished business with, have been in contact again and I really want to hook up with him again. I am right now planning a trip to go see him, off the record of course. The feelings I had for him is coming back alive and I love it! I can’t help but think what if…should I at least try? I am worried that I maybe giving up sure for unsure tho – advise?"

MAN COURT WILL BE IN SESSION OVA YAH SO...

HELLO MAN COURTERS....WE AGO TRY OUT DI TING..WE A GET TOO BIG FI FB SO WE AGO GWAN NAKA NAKA OVA YAH SO AN SEE WEY CAN GWAN FI WE!! HOW ME SOUN???