MANCOURT IS IN SESSION; ALL RISE: A GOD WE SAY ALL DAY EVERYDAY!! MINE HOW UNU A TEXT PON UNU PHONE LOL

"Hello Judge and Mancourters. Me inna some hot wata right now an me not even know wey me ago do. Me need some advice. Me man buy me a new phone right, so me mek sure say me delete all a my numbers an pics out my old phone but me neva memba fi tek out di text dem. Now my man phone nah work an him ago gwan use my old phone till him sort out back him phone. Fuss ting di man do when him put in him chip a str8 to di text msging. Anyways, me see him a read up an him nah stop stop read. Den bout 2 days lata him start talk bout some text wey him see inna me phone. Fi tell u di truth, me no too memba none a dem text dey enuh but me know say me is very 'textually active'. Me flirt big time pon my phone but dem no mean nutten. I swear. Me no know how fi explain to him say a jus flirting cuz him still ago get mad pon me - any advice from the court will do"

MANCOURT IS IN SESSION; ALL RISE: WELCOME BACK TO DI COURT ONE AN ALL!! ME MISS UNU AN ME SURE UNU MISS ME AN DI COURT TOO - WITHOUT FURTHER DELAY, MEK WE GET TO DI TING - YEA?

"Good morning Your Honor and Mancourt. Me inna one interesting situation. Me an me kids dem fadda dey fi over 18 years now and me have 3 kids fi him. We jus start back living together fi di last 3 years or so now. After we first son a 2, we did separate fi awhile fi bout 4 years or so but we get back togedda an have we next son.

Bout 3 months ago, one a my babyfadda fren bring him ‘new’ girl an introduce to we. Me an har link cuz u know tru di man dem a hang on, me an har go chill too – hit up 2 club do di double date ting. Anyways, last week she an fi har man kick off an di start say how him ago tell me bout she an my babyfadda. Di girl start cry now and say it happen 12 years ago an it was nutten – what was nutten?? She an my babyfadda used to fuck! OK Kool. Here my man explanation now: say it happen bout 12 to 13 years ago an dat di girl tell him when she an him fren start fuck say fi nuffi say nutten mek bygones be bygones. Now unu tell me, wha kinda fuckin alliance him gone form wid dis gal?? Me a say him shoulda tell me mek me decide how fi deal wid har. Me nah say me woulda war wid har cuz dat a when me an him did lef but no woman no wan par wid no woman wey dem man used to hood!!"